दाङमा नक्कलि असई बनेर ठगी गर्ने एक जना पक्राउ
नेपाल प्रेस
२०७८ पुष २८ गते १८:२७
घोराही । दाङमा नक्कलि असई बनेर ठगी गरेको आरोपमा एकजना पक्राउ परेका छन् ।
दाङको घोराही १५ मालपोत कार्यालय नजिकैबाट जिल्ला प्रहरी कार्यालय दाङले घोराहीका स्थानीय रामबहादुर बस्नेतलाई पक्राउ गरेको हो ।
उनले नक्कलि असई बनेर धम्की दिँदै त्यहाँकै एक पसलबाट १४ हजार बराबरको कम्बल ठगी गरेको आरोप लागेको छ ।
पीडितको जाहेरीका आधारमा पक्राउ गरिएको जिल्ला प्रहरी प्रमुख एसपि सुरेशप्रसाद काफ्लेले बताए ।
बस्नेतलाई हिरासतमा राखेर घटनाको थप अनुसन्धान भइरहेको प्रहरीले जनाएको छ ।
नेपाल प्रेस
प्रकाशित: २०७८ पुष २८ गते १८:२७
प्रतिक्रिया
सम्बन्धित खवर
