सीके राउतका कार्यकर्ताले पूर्वाधारमन्त्री यादवको पुत्ला जलाए (भिडिओसहित)

जनकपुरधाम । डा. सीके राउत नेतृत्वको जनमत पार्टीका कार्यकर्ताले भौतिक पूर्वाधार तथा यातायात्र मन्त्री रेणु यादवको पुत्ला दहन गरेका छन् ।

धनुषाको मुखियापट्टी मुसहर्नियाको बैरिया बजारमा जसपाको पार्टी प्रवेश कार्यक्रममा मन्त्री यादव आउने तय थियो । मन्त्री यादव र कृषि मन्त्री महेन्द्रराय यादवविरुद्ध उनीहरू नाराबाजीसमेत गरेका छन् ।

किसानका माग पूरा गर्न सरकारले चासो नदेखाएको भन्दै जनमत पार्टीले संघीय सरकारका मन्त्रीहरुलाई मधेशमा प्रवेश गर्न नदिने घोषणा गरेको थियो । मन्त्री यादवविरुद्ध जनमतका कार्यकर्ताहरूले बिहानैदेखि जनकपुरधामको विभिन्न भागमा प्रदर्शन गरिरहेका छन् ।