क्रिप्टोकरेन्सीमा संलग्न एकजना पक्राउ, करिब डेढ करोड रुपैयाँको कारोबार गरेको दाबी
नेपाल प्रेस
२०७८ माघ १८ गते १९:५६
काठमाडौं ।
काठमाडौ । नेपालमा प्रतिबन्धित डिजिटल करेन्सीको कारोबार गरेको आरोपमा एक जना पक्राउ परेका छन् ।
महानगरीय प्रहरी कार्यालय रानीपोखरीको टोलीले सिन्धुपाल्चोक स्थायी घर भई भक्तपुरको दुवाकोटका ३० वर्षीय चन्द्रमणी अधिकारी (रविन्द्र अधिकारी) लाई पक्राउ गरेको हो ।
उनलाई काठमाडौंको न्युरोडमा रहेको गुच्चाटोलबाट पक्राउ गरिएको हाे ।
अधिकारीको मोबाइलबाट उनले एक करोड ४८ लाख ४४ हजार ४ सय ६३ रुपैयाँ कारोबार गरेको देखिएको प्रहरीले जनाएको छ । करिब १३ लाख रुपैयाँ बराबरको क्रिप्टो करेन्सी पनि उनीसँग भेटिएको प्रहरीको दावी छ ।
प्रहरीले क्रिप्टोकरेन्सीको कारोबारमा संलग्नहरुलाई पछिल्लो समय लगातार पक्राउ गरिरहेको छ । नेपाल राष्ट बैंकले समेत यस्तो कारोबार संलग्न नहुने बारम्बार निर्देशन दिइरहेको छ।
नेपाल प्रेस
प्रकाशित: २०७८ माघ १८ गते १९:५६
प्रतिक्रिया
सम्बन्धित खवर
