जनमोर्चा हुँदै माओवादी छिरेका बाबुराम एमालेमा प्रवेश

बागलुङ । बागलुङमा रहेर राजनीति गर्दै आएका बाबुराम नेपाली नेकपा एमाले प्रवेश गरेका छन् । पछिल्लो समय नेकपा माओवादी केन्द्रका आवद्ध उनी मंगलबार एमाले प्रवेश गरेका हुन् ।

राष्ट्रिय जनमोर्चामा रहेर लामो समय गाविस अध्यक्ष बनेका गल्कोट ११ रिघाका नेपाली त्यसपछि माओवादी केन्द्र प्रवेश गरेका थिए ।

तत्कालिन समयमा नेकपा एमाले र माओवादी केन्द्रको एकतापछि नेकपामै रहेका उनी शुक्रबार औपचारिक रुपमा एमाले प्रवेश गरेका हुन् ।

उनलाई एमाले उप—महासचिव पृथ्वीसुब्बा गुरुङ, प्रदेश इन्चार्ज पद्मा अर्याल लगायतका नेताहरुले स्वागत गरे ।

एमाले प्रवेश गर्दै नेपालीले कम्युनिष्टका नाममा साना-साना झुपडीको आवश्यकता नरहेको भन्दै अब एउटै कम्युनिष्ट पापर्टीले जनताको समस्या समाधान गर्ने विश्वास व्यक्त गरे ।