अक्षय, टाइगर र श्रद्धा एउटै फिल्ममा : अब्बासको निर्देशनमा ‘बडे मियाँ छोटे मियाँ’ बन्ने

मुम्बई । बलिउड एक्सन स्टार टाइगर श्रफ र श्रद्धा कपुर पुनः एक नयाँ फिल्ममा सँगै देखिने भएका छन् । सन् २०२१ को डिसेम्बरमा यो जोडी ‘बडे मियाँ छोटे मियाँ’मा देखिने हल्ला चलेको थियो ।

सन् १९९८ मा बनेको उक्त नामको फिल्मको मुख्य भूमिकामा अमिताभ बच्चन र गोविन्द देखिएका थिए तर, बन्न लागेको नयाँ फिल्म चाहिँ रिमेक भने होइन ।

बलिउड हंगामका अनुसार अलिअब्बास जफरले निर्देशन गर्ने यो नयाँ फिल्ममा भरपूर एक्सन दृश्यमा समावेश हुनेछ । निर्माण कम्पनी पूजा इन्टरटेनमेन्टले आइतबार फिल्म निर्माणलाई लिएर घोषणा गर्ने जनाइएको छ ।

फिल्मको मुख्य अभिनेता फाइनल भएपनि लिड अभिनेत्रीलाई लिएर खोजी अहिले पनि जारी छ । फिल्ममा अक्षयकुमार र टाइगर श्राफ मुख्य भूमिकामा फाइनल भएका छन् ।

यो फिल्ममा बागी–३ की कोस्टार श्रद्धा कपुरले टाइगरको अपोजिटमा अभिनय गर्ने सम्भावना पक्का छ । यी दुईजनाले बागी र बागी ३ मा सँगै काम गरेका छन् ।

टाइगर अभिनित फिल्महरु हिरोपन्थी २, बागी ४ र गणपथ भाग १ रिलिज तयारीमा छन् । अलि अब्बास जफरले कट्रिना क्याफ र रणवीर कपुरसँग फिल्म गर्दैछन् ।