प्रधानमन्त्री कपको पुरस्कार राशी सार्वजनिक, विजेताले १० लाख पाउने

काठमाडौं । राजधानीमा जारी प्रधानमन्त्री कप राष्ट्रिय पुरुष एक दिवशीय क्रिकेट प्रतियोगिताको पुरस्कार राशी घोषणा भएको छ । नेपाल क्रिकेट संघ (क्यान)को मंगलबार बसेको बैठकले प्रतियोगिताको विजेताले १० लाख रूपैयाँ प्राप्त गर्ने निर्णय गरेको हो ।

त्यस्तै, उपविजेताले ५ लाख र सेमिफाइनलमा पुग्ने चार टोलीले ५० हजार रूपैयाँ प्राप्त गर्ने भएका छन् । प्रतियोगिताको प्लेयर अफ द सिरिजले ५० हजार तथा उत्कृष्ट ब्याट्सम्यान र बलरले २५/२५ हजार रूपैयाँ प्राप्त गर्ने निर्णय भएको क्यानले जानकारी दिएको छ ।

भोलिदेखि सुरु हुने सेमिफाइनलमा प्लेयर अफ द म्याचले पाँच हजार रूपैयाँ प्राप्त गर्ने भएका छन् । यसअघि २ हजार ५ सय मात्रै प्राप्त गर्दै आएका थिए ।