गाउँपालिका उपाध्यक्षसहित जसपा, लोसपा र कांग्रेसका नेता कार्यकर्ता एमालेमा प्रवेश
नेपाल प्रेस
२०७८ फागुन ७ गते १६:४८
जलेश्वर । महोत्तरीको पिपरा गाउँपालिका उपाध्यक्ष नुनुकुमारी दाससहित जसपा,लोसपा,नेपाली कांग्रेस र माओवादी केन्द्रबाट सयौंको संख्यामा कार्यकर्ता नेकपा एमालेमा प्रवेश गरेको महोत्तरी एमालेले जनाएको छ ।
एमाले पोलिटव्युरो सदस्य तथा पूर्वमन्त्री जुली कुमारी महतोको उपस्थितिमा भएको कार्यक्रममा गाउँपालिका उपाध्यक्ष नुनुकुमारीले एमालेको सदस्यता लिएकी हुन् ।
अखिल नेपाल महिला संघ जिल्ला अध्यक्ष सरस्वती चौधरीको अध्यक्षतामा भएको कार्यक्रममा गाउँ कार्यपालिका सदस्य तथा लोसपाका प्रभावशाली नेता रामबाबु नायक,समसुन नदाफ पनि एमाले प्रवेश गरेका छन् ।
उपाध्यक्ष दास तत्कालीन राष्ट्रिय जनता पार्टीबाट निर्वाचित भएकी थिइन् । सोही कार्यक्रममा माओवादी नेत रामबिलाश दास,जसपाका जिल्ला नेता रोशन पाण्डे,नेपाली कांग्रेसका सानु मण्डल,शान्ति देवी लगायत ५सय बढी कार्यकर्ता एमाले प्रवेश गरेको चौधरीले बताइन् ।
नवप्रवेशीलाई एमाले नेताहरु जुली महतो, रामदयाल मण्डल, गाउँपालिका अध्यक्ष विक्रम चौधरी लगायतले स्वागत गरेका थिए ।
नेपाल प्रेस
प्रकाशित: २०७८ फागुन ७ गते १६:४८
प्रतिक्रिया
सम्बन्धित खवर
