माइतीघरमा आजबाट प्रचण्ड-माधव पक्षको साताव्यापी धर्ना

काठमाडौं । प्रतिनिधिसभा विघटनलजाई प्रतिगामी कदम भन्दै प्रधानमन्त्री केपी शर्मा ओलीविरुद्ध आन्दोलनमा उत्रिएका विभाजित नेकपााको प्रचण्ड-माधव नेपाल पक्षले आजदेखि एक सातासम्म निरन्तर काठमाडौंको माइतीघर मण्डलामा धर्ना दिने भएको छ ।

प्रतिनिधिसभा विघटनको असंवैधानिक घोषणाका विरुद्धमा आज माघ १४ गते १२ देखि २ बजेसम्म विघटित प्रतिनिधिसभाका सदस्यहरु धर्नामा बस्ने केन्द्रीय सदस्य विष्णु रिजालले जानकारी दिए ।

त्यस्तै दुवै संविधानसभाका सदस्य तथा प्रदेश सभा सदस्यहरूको समेत सहभागितामा धर्ना हुने उनले बताए । आजबाट शुरु भएको यो क्रम माघ २१ गतेसम्म रहने र आन्दोलनका अरु कार्यक्रमहरु पनि यथावत हुनेछन् ।