वाणिज्य मन्त्रालयले उखु किसानलाई वार्तामा बोलायो

काठमाडौं । उद्योग, वाणिज्य तथा आपूर्ति मन्त्रालयले मंगलबार उखु किसान संघर्ष समितिलाई वार्तामा बोलाएको छ । मन्त्रालयकी सह–प्रवक्ता उर्मिला केसीका अुनसार किसानलाई आज दिउँसो ३ बजे वार्तामा बोलाएको हो । यसका लागि मन्त्रालयले वार्ताको तयारी समेत गरेको छ ।

तर, उखु किसान संघर्ष समितिले वार्तामा जाने कि नजाने भनेर तय गरेको छैन । ‘हामीले ३ बजेका लागि किसानलाई वार्तामा बोलाएका छौं तर, वहाँहरु वार्तामा उपस्थित हुने नहुने कुनै जानकारी अहिलेसम्म पाएका छैनौं,’ केसीले नेपाल प्रेसलाई बताइन् ।

गत वर्ष पुसमा सरकारले उखु किसानसँग गरेको सम्झौता कार्यान्वयन नभएपछि सर्लाहीका उखु किसान पुनः आन्दोलनका लागि आइतबार काठमाडौं आएका हुन् ।