लाउरेलाई ५० हजार धरौटीमा छाड्न आदेश, अन्य तीन जना कारागार चलान
नेपाल प्रेस
२०७८ फागुन १० गते १९:०५
काठमाडौं । लागूऔषध ब्राउन सुगरको मुद्धामा पक्राउ परेका चर्चित र्यापर आशिष राना लाउरे ५० हजार धरौटीमा छाड्न आदेश दिइएको छ ।
कास्की जिल्ला अदालतले मंगलबार थुनछेकको आदेश सुनाउँदै लाउरेलाई ५० हजार धरौटीमा छाड्न आदेश दिएको हो ।
उनीसँगै पक्राउ परेका अन्य तीन जनालाई भने पुर्पक्षका लागि कारागार चलान गर्ने आदेश भएको छ ।
ब्राउन सुगर कारोबार भइरहेको स्थानबाट लाउरे पक्राउ परेपनि उनको साथबाट भने लागू औषध प्रहरीले बरामद गरेको थिएन ।
उनी सेवनकर्ता भएको प्रहरी अनुसन्धानबाट खुलेको थियो । कास्की प्रहरीले लाउरेसहित चार जनालाई पुष १४ गते पक्राउ गरेको थियो ।
लाउरे मंगलबार नै धरौटी बुझाएर छुटेका छन् ।
नेपाल प्रेस
प्रकाशित: २०७८ फागुन १० गते १९:०५
प्रतिक्रिया
सम्बन्धित खवर
