तीव्र विवादबीच जसपाको केन्द्रीय कार्यकारणी समिति बैठक बस्दै

काठमाडौं । आन्तरिक विवादका कारण कारण लामो समयदेखि जनता समाजवादी पार्टी (जसपा)को केन्द्रीय कार्यकारणी समिति बैठक आजदेखि काठमाडौं सुरु हुँदैछ ।

बालकुमारीस्थित केन्द्रीय कार्यालयमा ११ बजेदेखि सुरु हुने बैठकमा एमसीसीदेखि स्थानीय चुनावको तयारीबारे छलफल हुने बताइएको छ ।

एमसीसीलगायतका कारण जसपाभित्र तीव्र विवाद छ । अध्यक्ष उपेन्द्र यादव र संघीय परिषद्का अध्यक्ष बाबुराम भट्टराईबीचको विवादले पार्टी फुटको दिशातिर गइरहेको आँकलन गरिएको छ ।

बाबुराम पक्षधरले उपेन्द्र यादवले पार्टीमा एकलौटी गरेको भन्दै हस्ताक्षरसमेत संकलन गरेका छन् ।