गठबन्धन जोगाउन माओवादीले अन्तिम प्रयास गर्ने, एमसीसीमा अडान यथावत्

काठमाडौं । सत्तारुढ नेकपा माओवादी केन्द्रले एमसीसीबारे पार्टीको धारणा यथावत राख्दै सत्ता गठबन्धन जोगाउन अन्तिम कोसिस गर्ने भएको छ ।

अध्यक्ष प्रचण्ड निवास खुमलटारमा बसेको केन्द्रीय कार्यालयको विस्तारित बैठकले गठबन्धन जोगाउन अन्तिम प्रयास गर्ने समझदारी बनाएको प्रचण्डको सचिवालयले जनाएको छ ।

सरकारको नेतृत्व गरिरहेको दल नेपाली कांग्रेस र प्रमुख प्रतिपक्षी दल नेकपा एमालेबीच सहमति हुने करिब निश्चित भएपछि प्रचण्ड माधव नेपालसँग छलफल गरेर थप रणनीति बनाउने तयारीमा छन् । पार्टी कार्यक्रममा धनगढी पुगेका माधव नेपाल प्रचण्डको टेलिफोनपछि काठमाडौं फर्किएका छन् ।

संसद बैठकमा एमसीसी टेबलसँगै नेपाली कांग्रेस एमसीसी अनुमोदनको पक्षमा छ । एमसीसीको विपक्षमा उभिएका कारण सत्ता गठबन्धनका घटकहरू माओवादी र नेकपा एसलाई सरकार छाड्न दबाब परेको छ ।