सुदर्शनलाई छोड्दै प्रहरीले भन्यो- पलबारे जानकारी पाए हामीलाई खवर गर्नु
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/02/sudarshan-thapa.jpg)
काठमाडौं । चलचित्र म यस्तो गीत गाउँछु २ का निर्देशक तथा निर्माता सुदर्शन थापालाई प्रहरीले सामान्य सोधपुछपछि छाडेको छ ।
नयाँ बानेश्वरबाट पल शाहका बारेमा सोधपुछ गर्न नियन्त्रणमा लिइएका थापालाई छाडिएको प्रहरीले जनाएको छ । शाहविरुद्ध एक नाबालिक गायिकाले जवरजस्ती करणीको मुद्दा दायर गरेपछि फरार रहेका छन् ।
प्रहरीले उनको खोजीकार्य तीव्र पारेपछि भेटाउन सकेको छैन् ।
पल शाह अभिनित चलचित्र म यस्तो गीत गाउँछु २ का निर्देशक थापालाई शाहको बारेमा ससोधपुछ गर्न बोलाइएको प्रहरीले जनाएको छ ।
प्राइमटाइम टेलिभिजनमा धमलाको हमला कार्यक्रममा अन्तर्वार्ता दिएर फर्किँदै गर्दा टेलिभिजन परिसरबाटै उनलाई नियन्त्रणमा लिइएको थियो ।
सामान्य सोधपुछका क्रममा प्रहरीले पलसँग सम्पर्क भए/नभएको बारेमा जानकारी दिएर सहयोग गर्न आग्रह गरेको उनले नेपाल प्रेसलाई बताए । उनले अहिले आफ्नो सम्पर्क नभएको प्रहरीलाई बताएका छन् । उनीसँग सम्पर्क भए जानकारी दिन प्रहरीले आग्रह गरेको छ ।