पल शाहविरुद्ध गायिकाले नवलपरासीमा दिइन् अर्को जाहेरी

काठमाडौं । नायक पल शाहविरुद्ध जबरजस्ती करणीमा नाबालिग गायिकाको अर्को जाहेरी परेको छ । इलाका प्रहरी कार्यालय नवलपुरमा पुगेर गायिकाले जाहेरी दिएकी हुन् ।

यसअघि तनहुँ प्रहरीमा गत फागुन ११ गते पलविरुद्ध पहिलो जाहेरी परेको थियो । मुद्दा बलियो बनाउनका लागि बारदात भएको अर्को स्थानमा पनि जाहेरी दर्ता गरिएको बुझिएको छ । नाबालिग गायिकाको तर्फबाट उनका बुवाले जाहेरीमा हस्ताक्षर गरेका छन् ।

नायक शाहलाई आजै तनहुँ प्रहरीले पक्राउ गरिसकेको छ । शाहले आफैं तनहुँ पुगेर गिरफ्तारी दिएका हुन् ।