नेकपा एसको सर्त- व्याख्यात्मक घोषणा अमेरिकाले अस्वीकार गरे एमसीसी खारेज हुनुपर्ने

काठमाडौं । नेकपा (एकीकृत समाजवादी) ले अमेरिकी सहयता परियोजना एमसीसीमाथि गरिने व्याख्यात्मक घोषणालाई सर्मथन गर्दै पक्षमा मतदान गर्ने निर्णय गरेको छ ।

संसद बैठकअघि बसेको नेकपा एसको स्थायी समिति बैठकले गठबन्धनमा भएको निर्णयलाई सर्मथन गर्ने निर्णय गरेको हो ।

तर, व्याख्यात्मक घोषणालाई अमेरिकाले अस्वीकार गरे सम्झौता खारेज हुनुपर्ने विषय उक्त घोषणामा राख्नुपर्ने सर्त नेकपा एसले अघि सारेको उपमहासचिव गंगालाल तुलाधरले जानकारी दिए ।

बैठकबारे जानकारी गराउँदै तुलाधरले भने- व्याख्यात्मक घोषणा एमसीसीको अनिवार्य अंग बन्ने गरि मात्र एमसीसको पक्षमा मतदान गर्ने निर्णय गरेका छौं । संसदबाट पारित व्याख्यात्मक घोषणा अमेरिकाद्वारा अस्वीकार गरेको सम्झौता खारेज हुने छ।’

उनले उक्त घोषणामा त्यो विषय राख्न पार्टीले पहल गर्ने निर्णय गरेको पनि जानकारी दिए। ‘यो विषय पाँच दलीय गठबन्धनको निर्णय समेत बनाउन हाम्रो पार्टीले पहल गर्ने निर्णय गरेको छ,’ उनले भने, ‘सर्वसम्मतिले यो ठाउँमा पुग्यौं ।’

नेकपा एसले व्याख्यात्मक घोषणामा जाने कुरा पनि आफूहरुको संघर्षकै परिणाम भएको भन्दै स्वागत गर्ने निर्णय गरेको छ।