बनेपाको पुलबजारमा भेटियो ‘नो एमसीसी’ लेखिएको शंकास्पद वस्तु, सडक अवरुद्ध
नेपाल प्रेस
२०७८ फागुन १६ गते ८:२५
काठमाडौं । अरनिको राजमार्गअन्तरगत काभ्रपलाञ्चोकको पुलबजारमा शंकास्पद वस्तु भेटिएको छ । शंकास्पद वस्तु फेला परेपछि प्रहरीले उक्त क्षेत्रमा सवारी आवागमन रोकेको छ ।
यात्रा गर्नेहरुलाई वैकल्पिक बाटो प्रयोग गर्न प्रहरीले सुझाएको छ । शंकास्पद वस्तु बम हुनसक्ने अनुमान गरिएको छ । उक्त शंकास्पद वस्तुमा ‘नो एमसीसी’ लेखिएको छ ।
उक्त क्षेत्रमा नेपाली सेनाको बम डिस्पोजल टोली जाँदैछ ।
आज विभिन्न साना दल र मोर्चाले एमसीसी संसदबाट अनुमोदन भएको विरोधमा नेपाल बन्दको आह्वान गरेका छन् ।
काठमाडौंमा भने नेपाल बन्दको खासै प्रभाव छैन ।
नेपाल प्रेस
प्रकाशित: २०७८ फागुन १६ गते ८:२५
प्रतिक्रिया
सम्बन्धित खवर
