केन्द्रीय सदस्यहरू घाम ताप्दा ताप्दै आयो माओवादी बैठक सरेको सूचना (तस्बिरहरू)
२०७८ फागुन २० गते ११:४१
काठमाडौं । पटकपटक स्थगित गरेर आजका लागि तय गरिएको नेकपा माओवादी केन्द्रको केन्द्रीय समिति बैठकका लागि नेताहरू बिहान ११ बज्नुअघि नै राष्ट्रियसभा गृहमा भेला हुन थालेका थिए ।
तर, आज पनि बैठक २ घण्टा सारिएको छ । ११ बजेदेखि बैठक सुरू हुने भन्दै घाम ताप्दै कुरेर बसेका केन्द्रीय सदस्यहरूलाई एक्कासी बैठक सारिएको सूचना प्राप्त भएको हो । बैठक दिउँसो १ बजेसम्मका लागि सारिएको सूचना दिइएको छ ।
‘प्रायलाई यहीँ आएर मात्र थाहा भयो’, नेता मातृका यादवले भने ‘अगाडि सूचना आएको भए चाँडो आउँदिन थिएँ, यहाँ आएपछि मात्र सूचना पाइयो’
नेताहरू आन्तरिक छलफलमा रहेको भन्दै बैठक धकेलिएको हो ।
आजको बैठकमा पदाधिकारी चयन गर्ने एजेण्डा थियो । त्यस्तै, एमसीसी अनुमोदनपछि माओवादीमा खटपट सुरू भएको छ ।
नारायणकाजी श्रेष्ठलगायतका केही नेताले छुट्टै छलफल चलाइसकेका छन् । केन्द्रीय कमिटीमा कुरा राखेर पार्टीभित्रै संघर्ष गर्ने वा छुट्टै पार्टी गठन गर्नेसम्मको विकल्पमा उनीहरू रहेको बतइएको छ ।
प्रकाशित: २०७८ फागुन २० गते ११:४१
प्रतिक्रिया
सम्बन्धित खवर
