बार चुनाव : गठबन्धनतर्फ कांग्रेसका घिमिरे अध्यक्ष र माओवादीबाट अन्जिता महासचिवको उम्मेदवार

काठमाडौं । नेपाल बार एशोसिएशनको नेतृत्वका लागि सत्तारुढ गठबन्धनबाट गोपालकृष्ण घिमिरे उम्मेदवार बनेका छन् । उनी नेपाली कांग्रेसनिकट डेमोक्रेटिक लयर्स एशोसिएशन (डीएलए) का पूर्वअध्यक्ष पनि हुन् ।

कांग्रेसको १४औं महाधिवेशन केन्द्रीय निर्वाचन समितिका संयोजक समेत रहेका घिमिरेलाई गठबन्धनले अध्यक्ष उठाउने भएको हो । त्यस्तै महासचिवमा अन्जिता खनाललाई अघि सारिएको छ । खनाल नेकपा माओवादी केन्द्रबाट उम्मेदवार बन्न लागेकी हुन् ।

यसअघि महासचिवमा दिनमणि पोखरेललाई प्रस्ताव गरिए पनि गठबन्धनप्रति असन्तुष्टि जनाउँदै पोखरेल पछि हटेका थिए ।

वागमतीबाट उपाध्यक्षमा नेकपा एसका हर्क रावलले उम्मेदवारी दिँदैछन् ।

अध्यक्षसहित १५ पद कांग्रेसलाई साथै उपाध्यक्ष, महासचिवसहित पद गठबन्धनका अन्य घटकलाई भागबण्डा गरिएको छ ।

एमालेनिकटको कानून व्यवसायी पीपीएलएविरुद्ध मिलेर लड्न डीएलए नेतृत्वको गठबन्धनको प्यानल तयार पारिँदैछ ।

पीपीएलएले भने विष्णुमणि अधिकारीको नेतृत्वमा प्यानल घोषणा गरिसकेको छ ।