नेकपा एसको पहिलो पोलिटब्यूरो- अध्यक्ष नेपालको राजनीतिक प्रतिवेदनमाथि छलफल
नेपाल प्रेस
२०७८ फागुन २३ गते १९:०९
काठमाडौं । नेकपा एकीकृत समाजवादी पार्टीको पहिलो पोलिटब्यूरो बैठक सकिएको छ ।
बैठकमा पार्टी अध्यक्ष माधव कुमार नेपालले राजनीतिक प्रतिवेदन पेश गरेका छन् ।
पार्टीको संगठनात्मक अवस्था, एमसीसी पारित गर्नुपर्नाका कारण, घटनाक्रम र विवरणहरु समेटिएको प्रतिवेदन बैठकमा पेश भएको हो ।
प्रतिवेदनमाथि ३७ जनाले आफ्नो धारणा राखेका छन् । प्रतिवेदनमाथि आएका सुझावहरुसहित २५ गतेबाट सुरु हुने केन्द्रीय कमिटी बैठकमा पेश गरिने सो पार्टीका प्रवक्ता जगन्नाथ खतिवडाले बताए ।
यस्तै बैठकमा आगामी स्थानीय तह निर्वाचनमा गठबन्धनबाटै चुनाव लड्ने र संगठनात्मक तयारीका विषयमा पनि छलफल भएको उनले बताए ।
नेपाल प्रेस
प्रकाशित: २०७८ फागुन २३ गते १९:०९
प्रतिक्रिया
सम्बन्धित खवर
