एमालेको भ्रातृ संगठनले यसरी मनाए नारी दिवस (तस्बिरहरू)

काठमाडौं । ११२औँ अन्तर्राष्ट्रिय महिला दिवस आज देशभर मनाइँदैछ ।

यसपालिको नारी दिवसको नारा ‘सामाजिक न्याय र लैंगिक समानता : दिगो विकासको सुनिश्चितता’ तय गरिएको छ ।

नारी दिवसको अवसरमा विभिन्न राजनीतिक दलका भगिनी संगठन, महिला अधिकारवादी संघस्थाले विविध कार्यक्रम आयोजना गरेका छन् ।

यसैक्रममा नेकपा एमालेको विभिन्न भ्रातृ संगठनले पनि दिवसमा कार्यक्रम आयोजना गर्‍यो । भृकुटीमण्डपबाट सुरू भएको र्‍याली वसन्तपुरमा सभामा परिणत भएको छ । वसन्तपुरमा अखिल नेपाल महिला संघ (अनेमसंघ) ले समृद्ध नेपाल निर्माणका लागि स्थानीय तहको प्रमुख पदमा महिलाको समान सहभागिता सुनिश्चितताको माग गर्दै कार्यक्रम राखेका छन् । राष्ट्रिय युवा संघ नेपाल, नेपाल खेलकुद महासंघले पनि कार्यक्रम गरेका छन् ।

कार्यक्रमका प्रमुख अतिथि एमाले अध्यक्ष केपी शर्मा ओली रहेका छन् । एमालेका अन्य नेता पनि सो कार्यक्रममा सहभागी भएका छन् ।

हेर्नुस् र्‍याली र सभाका केही तस्बिरहरू :