काठमाडौं जेसीजको होली कार्यक्रम विहीबार, चर्चित कलाकारहरुले सांगितिक प्रस्तुति दिने

काठमाडौं । रंगहरुको पर्वका रुपमा रहेको होलीका अवसरमा काठमाडौं जेसीजले होली विशेष कार्यक्रम आयोजना गर्ने भएको छ । जेसीजको एरिया सी अन्तर्गत रहेका २७ वटा शाखाहरुको आयोजना र काठमाडौं जेसीजको मुख्य आयोजनामा विहीबार हुने कार्यक्रममा राष्ट्रिय कलाकारहरुले सांगितिक प्रस्तुतिसमेत दिनेछन् ।

राष्ट्रिय कलाकारहरु दिपक लिम्बु, कमल खत्री, विश्व नेपाली लगायतको प्रस्तुतिसहित हुने होली कार्यक्रममा नेपाल प्रेस मिडिया पार्टनरको रुपमा रहेको छ ।

काठमाडौंको धुम्बाराहीस्थित एसआर ब्यांक्वेटमा हुने होली विशेष कार्यक्रमबाट संकलन गरिएको रकम सामाजिक कार्यमा खर्च गरिने काठमाडौं जेसीजका अध्यक्ष अनुप सुनुवारले बताए । ‘होलीलाई सांस्कृति रुपमा मनाउने, सांगितिक रुपमा रमाउने र कार्यक्रमको आयोजनाबाट बचेको रकम सामाजिक सेवामा खर्च गर्ने उद्देश्यले होली कार्यक्रम आयोजना गरेका हौं’, अध्यक्ष सुनुवारले भने ।

टुबोर्गले मुख्य प्रायोजन गरेको कार्यक्रममा ‘केटिएम रस’ सोसल मिडिया पार्टनरको रुपमा रहेको छ ।