तालमेल नभए माधवलाई तनाव, भन्छन्- माओवादीको भर छैन, कांग्रेसलाई डर छैन

काठमाडौं । वैशाख ३० मा हुने स्थानीय निर्वाचनमा तालमेल गर्ने वा नगर्ने भन्नेमा सत्तारुढ गठबन्धनमा रहेका दलका नेताहरूको जुहारी जारी छ । गठबन्धनमा रहेकामध्ये नेकपा माओवादी केन्द्र, नेकपा एकीकृत समाजवादी र जनता समाजवादी पार्टीका नेताहरू चुनावी तालमेलको पक्षमा उभिँदै आएका छन् । सरकारको नेतृत्व गरिरहेको नेपाली कांग्रेसभित्र भने चुनावी तालमेलबारे दुई थरी धारणा रहेको छ ।

सभापति शेरबहादुर देउवा, वरिष्ठ नेता रामचन्द्र पौडेललगायतका नेताहरू चुनावी तालमेलका पक्षमा छन् । नेता डा. शेखर कोइराला र उनीनिकट अन्य नेताहरू भने तालमेलको विपक्षमा छन् । तालमेलबारे निर्णय लिन कांग्रेस केन्द्रीय समितिको बैठक आज बस्दैछ । कांग्रेसले शर्तसहित चुनावी तालमेलको पक्षमा निर्णय लिने सम्भावना रहेको छ । कांग्रेस चुनावी तालमेलबारे निर्णय लिने चरणमा पुगिसक्दा गठबन्धनको मुख्य घटक नेकपा एकीकृत समाजवादी भने ढुक्क छैन ।

नेकपा एमाले विभाजित भएर बनेको नेकपा एसका अध्यक्ष माधवकुमार नेपाल गठबन्धनमा सबैभन्दा सकस व्यहोर्नुपर्ने अवस्थामा छ । हालै प्रधानमन्त्री शेरबहादुर देउवा र माओवादी अध्यक्ष पुष्पकमल दाहाल प्रचण्डसँगको छलफलमा नेपालले ‘एमालेले जितेका स्थानीय तहमा आफ्नो दाबी रहने’ बताएका थिए ।

नेकपा एमाले विभाजित भएर बनेको नेकपा एसका अध्यक्ष माधवकुमार नेपाल गठबन्धनमा सबैभन्दा सकस व्यहोर्नुपर्ने अवस्थामा छ । हालै प्रधानमन्त्री शेरबहादुर देउवा र माओवादी अध्यक्ष पुष्पकमल दाहाल प्रचण्डसँगको छलफलमा नेपालले ‘एमालेले जितेका स्थानीय तहमा आफ्नो दाबी रहने’ बताएका थिए ।

गठबन्धनमा चुनावी तालमेल निश्चित नभएपछि अध्यक्ष नेपालले एमालेको तागतसँग आफूलाई तुलना गर्दै आएका छन् । यद्यपि आफ्नो पार्टी नयाँ भएकाले एक्लै चुनाव लडेर ‘उपलब्धी’ जोगाउने सम्भावना नेपालले देखेका छैनन् । अर्कोतिर चुनावी तालमेलबारे कांग्रेस र माओवादी नेताहरूको ‘दन्तबझान’ ले नेपाललाई दिक्क बनाएको छ ।

निकटस्थहरूसँग नेपालले कांग्रेस र माओवादीको गतिविधिका कारण एमालेले नै लाभ लिने अवस्था बन्न खोजेको बताउने गरेका छन् । कांग्रेसका केही पदाधिकारीको अभिव्यक्तिले त गठबन्धनलाई झन् समस्यामा पार्ने माधवको निष्कर्ष छन् । अर्कोतिर कांग्रेसको व्यवहारका कारण माओवादीपनि बिच्कने खतरा उनले देखेका छन् ।

‘एकीकृत समाजवादी पार्टी कठिन परिस्थितिमा बनेको हो । केही नेताहरूले धोका दिएकाले एमालेबाट सोचेजति तागत झिक्न सकिएन । त्यसैले एकपटक गठबन्धन गरेर पार्टीको तागत जोगाउनुपर्छ भन्ने कुरा स्वाभाविक हो’, समाजवादीका एक नेता बताउँछन् ।

‘कांग्रेसका नेताहरू गठबन्धन विरुद्ध बोलिरहेका छन् । गठबन्धन हुँदा कांग्रेसको पनि भोट बढ्ने होनि तर उनीहरू पपुलर कुरा गर्छन् । कांग्रेसलाई चुनाव हार्ने डर छैन’, नेपालले निकटस्थहरूसँग भन्ने गरेका छन् । अर्कोतिर गठबन्धनकै पक्षमा रहेपनि माओवादीको भर लागेको छैन नेपाललाई । ‘अब कांग्रेसले यस्तै गरिरह्यो भने प्रचण्डले फेरि केपी ओलीसँग हात मिलाउन सक्छन् । प्रचण्डको भर भएन, कांग्रेसलाई डर भएन’, नेपालको धारणा छन् ।

नेपालनिकट नेताहरू नयाँ पार्टी निर्माणको चरण सुरू हुनासाथ निर्वाचनमा होमिन परेकाले केही कठिनाइ पर्नु स्वभाविक हुने बताउँछन् ।

‘एकीकृत समाजवादी पार्टी कठिन परिस्थितिमा बनेको हो । केही नेताहरूले धोका दिएकाले एमालेबाट सोचेजति तागत झिक्न सकिएन । त्यसैले एकपटक गठबन्धन गरेर पार्टीको तागत जोगाउनुपर्छ भन्ने कुरा स्वाभाविक हो’, समाजवादीका एक नेता बताउँछन् ।

ती नेताका अनुसार चुनावी तालमेल हुनासाथ अधिकांश स्थानीय तहमा एमालेमा प्रभाव भएकै नेताहरू समाजवादीबाट चुनाव लड्न ईच्छुक छन् । यहीकारण अध्यक्ष नेपालले कांग्रेस र माओवादीको भर खोजिरहेका हुन् ।

‘देउवाजीलाई प्रधानमन्त्री बनाउन र प्रचण्डलाई राजनीतिक रूपमा जोगाउन सबैभन्दा बढी त्याग र राजनीतिक जोखिम कमरेड माधव नेपालले उठाउनुभएको छ । त्यसैले यो गठबन्धन जोगाउनुपर्छ भन्नेमा उहाँको प्रयास छ’, नेपालनिकट एक नेता भन्छन् ।