एमाले बलियो छ त्यसैले गठबन्धन जरुरी-देउवा, कांग्रेस आइको हालत होला भन्ने आशंका- शेखर (भिडिओ)

काठमाडौं । आसन्न स्थानीय तह निर्वाचनमा सत्ता गठबन्धनबीच तालमेल गर्नेबारे कांग्रेसमा बहस चलिरहेका बेला शनिबार सभापति शेरबहादुर देउवा र शेखर कोइराला एउटै मञ्चमा देखिए । उनीहरुबीच मञ्चबाटै गठबन्धनलाई लिएर सवाल जवाफ चलेको थियो ।

बिपी स्मृति सामुदायिक सहकारी अस्पतालको १४ औँ वार्षिक साधारण सभामा सभापति देउवाले पार्टीलाई बलियो बनाउनका लागि निर्वाचनमा गठबन्धनको आवश्यकता रहेको बताए ।

देउवाले आफ्नो कर्तव्य भनेको नै पार्टीलाई जिताउनु भएको भएको भन्दै गठबन्धनको कुरा गरेर आफूले केही नबिगारेको बताए ।

अहिले पनि नेकपा एमाले बलियो नै रहेको र कांग्रेसले गठबन्धन नगरे एमाले र माओवादी मिल्ने सम्भावना रहेको देउवाले बताए । बिपी र सुवर्णसमशेर देखि नै पार्टी भित्र गुट रहेको भन्दै देउवाले तत्काल पार्टीको गुट अन्त्य हुन नसक्ने तर्क गरे ।

कार्यक्रममा कांग्रेस नेता शेखर कोइरालाले कांग्रेसको आफ्नै बिचार र सिद्धान्तले निर्वाचनमा जानुपर्ने बताए । गठबन्धनका कारण कांग्रेसको अवस्थामा भारतीय कांग्रेसकै जस्तो हुन्छ की भन्ने आशंका पैदा भएको उनको उनको भनाइ थियो ।

कार्यक्रममा कांग्रेसका अन्य नेताहरूले पार्टीभित्रको गुटउपगुट अन्त्य गर्दै पार्टीलाई बलियो बनाउनुपर्ने धारणा राखेका थिए ।