चिनियाँ विदेशमन्त्रीले भेटे प्रचण्ड

काठमाडौं । नेपाल भ्रमणमा रहेका चिनियाँ विदेशमन्त्री वाङ यी र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बीच भेटवार्ता भएको छ ।

काठमाडौंस्थित मेरियट होटलमा दुईजनाबीच भेट भएको हो । भेटमा भ्रमण टोलीमा रहेका चिनियाँ अधिकारी र माओवादीका शीर्ष नेताहरू सहभागी थिए ।  भेटमा नेपाल-चीन सम्बन्ध र दुई देशबीचको हितलगायतका विषयमा छलफल भएको प्रचण्डको सचिवालयले जनाएको छ ।

यसअघि आज बिहान चिनियाँ विदेशमन्त्री वाङले राष्ट्रपति विद्यादेवी भण्डारीसँग भेट गरेका थिए । प्रचण्डलाई भेट्नुअघि एमाले अध्यक्ष केपी शर्मा ओली र वाङबीच भेटवार्ता भइसकेको छ ।

वाङ आजै स्वदेश फर्किने कार्यक्रम छ ।