विराटनगरको जितमा अनुको दुई गोल

काठमाडौं । अनु राईको दुई गोलप्रेरित विराटनगर महानगरपालिकाले राष्ट्रिय महिला लिगमा शनिबार चौदण्डिगढी नगरपालिकालाई ६-० को नतिजामा पराजित गरेको छ ।

एन्फा कम्प्लेक्स सातदोबाटोमा भएको खेलमा विराटनगरलाई विजयी बनाउन अनुले २१ र ३६औं मिनेटमा गोल गरिन् । त्यस्तै, इमा राईले ३९ तथा कुसुम खतिवडाले ८२औं मिनेटमा गोल गरिन् । खेलको ४२औं मिनेटमा सावित्रा मगरको स्थानमा मैदान प्रवेश गरेकी सब्स्टिच्युट खेलाडी पार्वती घलेले विराटनगरका लागि छैठौं गोल गरिन् ।

जितसँगै ४ खेलबाट ७ अंक जोडेको विराटनगर अंक तालिकाको तेस्रो स्थानमा उक्लिएको छ । समान खेलमा अंकविहीन चौदण्डिगढी तालिकाको पुछारमा छ ।