जनमतसंग्रह गरौं, नेपाल हिन्दू राष्ट्र बन्छ, बन्छः पशुपतिशम्शेर राणा (भिडिओ)

काठमाडौं । राष्ट्रिय प्रजातन्त्र पार्टीका वरिष्ठ नेता पशुपति शम्शेर राणाले नेपाललाई हिन्दू राष्ट्र बनाइछाड्ने अठोट व्यक्त गरेका छन् । उनले अपवित्र सम्झौताबाट नेपाललाई धर्मरिपेक्ष राष्ट्र घोषणा गरिएको आरोप लगाए ।

राप्रपाको खुलामञ्चमा आयोजित जनसभालाई सम्भोधन गर्दै राणाले हिन्दू राष्ट्र पुनस्र्थापनाका लागि जनमतसंग्रहमा जान तयार रहेको बताए ।

उनले भने, ‘अपवित्र सम्झौताबाट यो मुलुकलाई जसले हिन्दू राष्ट्र बनायो, त्यसले सम्पूर्ण नेपालीलाई धोका दियो । यही मञ्चबाट घोषणा गर्छौं कि हामी यो मुलुकलाई हिन्दू राष्ट्र बनाइछाड्छौं । जनमत संग्रह गर्नुपर्छ भने गराउँछौं ।’

राणाले जनमतसंग्रह भएको खण्डमा ८१ प्रतिशतभन्दा बढी हिन्दू र ९४ प्रतिशत सनातन धर्माबलम्बिहरुले हिन्दू राष्ट्रका पक्षमा भोट हाल्ने बताए ।

‘हिन्दू राष्ट्र नेपालको पहिचान हो । धर्मनिरपेक्षता ल्याउनेहरुले यो मुलुकको पहिचान मेटिदिए । तर, अब यो पुण्यभूमि अमर र अजय हिन्दू राष्ट्र बन्छ ।’ राणाले भने ।