सेतो मच्छिन्द्रनाथको रथ जात्रा शनिवारबाट सुरु (तस्बिर/भिडिओ)

काठमाडाैं । सेतो मच्छिन्द्रनाथको रथ जात्रा शनिवारबाट सुरु भएको छ ।

हरेक वर्ष चैत्र शुक्ल अष्टमी चैते दशैंको दिन सेतो मच्छिन्द्रनाथको रथ यात्रा शुरु गरिन्छ ।

सेतो मच्छिन्द्रनाथको रथयात्रा वर्षा र सहकालका देवता मानिने आर्याअवलोकितेश्वरको मुर्तिको रथयात्रा गरी मनाइने जात्रा हो ।

करुणामय र आर्याअवलोकितेश्वरको नामबाट पनि चिनिने सेतो मच्छिन्द्रनाथलाई जनबहालबाट नगरपरिक्रमा गराई जमलको तीनधारा पाठशाला बनाइएको रथमा प्रतिस्थापन गराइएपछि नगर परिक्रमा गर्ने प्रचलन छ ।

तीनधारा पाठशालाबाट शुरु भई पाँच दिनसम्म सेतो मच्छिन्द्रनाथको जात्रा हुने गर्दछ । जात्राको पहिलो दिन जमल-रत्नपार्क, भोटाहिटी हुँदै असन पुर्‍याइन्छ । दोस्रो दिन असन,बालकुमारी, केलटोल, इन्द्रचोक, मखन हुँदै हनुमानढोका पुर्याइन्छ । तेस्रो दिन हनुमानढोका, चिकमुगल, जैशीदेवल, ज्याबहाल हुँदै लगन पुर्याइन्छ।

मच्छिन्द्रनाथको रथ लगन टोलमा रथ पुर्‍याउने बित्तिकै जीवित देवी कुमारीलाई सानो खटमा राखी लगन चोकमा जात्रा देखाउने चलन छ ।

चौथो दिन मच्छिन्द्रनाथकी आमाको मन्दिर (मां सीमा) नामक रुखलाई तीनपटक परिक्रमा गराई जात्राको समापन गरिन्छ । भने पाँचौं दिन

लगन, ज्याबहाल द्यः लं, यूतुननि, कोहिति, भिमसेनस्थान, मरु, यतखा, नरदेवी, किलागल, भेडासिङ, केलटोल हुँदै मच्छिन्द्रबहालसम्म खट जात्रा गरिन्छ ।

तस्बिरहरु : गौरव पौडेल