२८ जिल्लाका लागि ४५ मतपत्रको छपाई सकियो
नेपाल प्रेस
२०७८ चैत २८ गते १६:२८
काठमाडौं । निर्वाचन आयोगले मतपत्र छपाइको काम द्रुत गतिमा अगाडि बढेको जनाएको छ ।
आयोगको नियमित पत्रकार सम्मेलनमा प्रवक्ता शालिग्राम शर्मा पौडेलले हालसम्म २८ जिल्लाका लागि आवश्यक पर्ने ४५ लाख २२ हजार मतपत्र छपाई भइसकेको जानकारी दिए ।
वैशाख ३० गते हुने स्थानीय तह निर्वाचनका लागि आयोगले १ करोड ९४ लाख मतपत्र छाप्दै छ ।
आयोगले सबै निर्वाचन अधिकृतहरूलाई कम्तीमा १–१ प्रति मतदाता नामावली उपलब्ध गराएको समेत जनाएको छ ।
आयोगले पत्रकारहरूका लागि जारी निर्वाचन आचारसंहिताको पालनाका लागि अनुरोध समेत गरेको छ ।
प्रवक्ता पौडेलका अनुसार सञ्चारमाध्यमहरूले निर्वाचन आचारसंहिता पालना गरे/नगरेको विषयमा प्रेस काउन्सिलले अनुगमन गर्ने गरी सम्झौता भएको जानकारी समेत दिए ।
आचारसंहिता पालना गराउन आयोग गम्भीर रहेको भन्दै प्रवक्ता पौडेलले उल्लंघनका घटनामा कानून बमोजिम आयोग अगाडि बढ्ने बताए ।
नेपाल प्रेस
प्रकाशित: २०७८ चैत २८ गते १६:२८
प्रतिक्रिया
सम्बन्धित खवर
