घोडाघोडी नगरपालिकामा गठबन्धन नगर्ने कांग्रेसको निर्णय

कैलाली । कैलालीको घोडाघोडी नगरपालिकामा नेपाली काँग्रेसले गठबन्धन नगर्ने निर्णय गरेको छ ।

सोमबार बसेको पार्टीको नगर कमिटीको पूर्ण बैठकले स्थानीय निर्वाचनमा घोडाघोडीमा गठबन्धन नगर्ने निर्णय गरेको हो ।

कांग्रेस एक्लै बलियो भएकोले चुनावी गठबन्धन नगर्ने निर्णय भएको पाटीले जानकारी दिएको छ ।

महाधिवेशन प्रतिनिधि, प्रदेश, जिल्ला सदस्यहरू, १२ का सभापति र नगर भरीका क्रियाशील सदस्यहरूसँग बृहत् छलफल गर्दा उनीहरू सबैको राय गठबन्धनको विपक्षमा देखिएको भन्दै गठबन्धन नगर्ने निर्णय गरेको नगर सभापति बम बहादुर सिंहले जानकारी दिए ।

आउँदै गरेको आसन्न निर्वाचनमा गठबन्धन गरेर पदीय भागबन्डा गर्दा सिङ्गो नेपाली कांग्रेसमा प्रतिकुल असर पर्ने उनले बताए । घोडाघोडीमा कांग्रेस आफैमा बलियो भएको र एक्लै चुनाव जित्न सकिने उनले बताए ।

घोडाघोडी नगर समितिले उक्त निर्णयलाई केन्द्रीय कार्यालय सानेपा, जिल्ला कार्यालय धनगढी, क्षेत्रीय कार्यालय र प्रदेशसभा क्षेत्र नम्बर ३ (ख) कार्यालय घोडाघोडीलाई पठाइएको पनि उनले बताए ।