सरकार ‘गैह्रजिम्मेवार’ रहेको टिप्पणी गर्दै ओलीले भने- अहिलेपनि जाली मुद्दा नलाग्ला भन्न सकिन्न (भिडिओ)

काठमाडौं । नेकपा एमालेका अध्यक्ष केपी शर्मा ओलीले सरकार जनताप्रति जिम्मेवार नभएको बताएका छन् । परमादेशबाट आएको सरकार भएकाले जनताप्रति जिम्मेवार नभएको उनले बताए ।

उनले भने- हुन त कसैको आलोचना नगरुँ सरकार त उसैबेला-उसैबेलाको जस्तो छ, जालझेल, षडयन्त्र र तिकडम गर्ने खालको । जनताबाट नआएको परमादेशबाट आएको, जनताप्रति जिम्मेवार नभएको गैह्रजिम्मेवार भएको, चुनाव गरेर लोकतन्त्र जोगाउनेभन्दा चुनावका लागि काम नगरेर षडयन्त्र गर्ने खालको ।

त्यसकारण अहिलेपनि के हुन्छ ? भनेर भन्न पनि नसकिने उनले बताए ।

उनले भने, ‘मान्छेलाई जाली मुद्दा लाग्दैन भन्न सकिदैन् । फँसाईदैन भन्न सकिदैन् । यो सरकार यस्तै हो ।’ तर आफू भने त्यसमा सजग हुनु आवश्यक रहेको उनले बताए ।

सरकारले जेसुकै गर्न चाहेपनि पहिलेजस्तो तानाशाहको कल्पना नगर्न पनि उनले सुझाए ।

उनले भने- त्यस्तै दिन हिजकैजस्तै तानाशााही दिन अब आउदैनन । त्यस्तै कुरा गर्दैगए सफलता प्राप्त गर्न सक्दैन् । अहिलेका शासकहरूले बुझुन् यो कुरा ।