दैलेखमा एकीकृत समाजवादीका जिल्ला सचिव खड्का एमाले प्रवेश

काठमाडौं । नेपाल कम्युनिष्ट पार्टी एकीकृत समाजवादी दैलेखका सचिव मानबहादुर खड्का एमाले प्रवेश गरेका छन् ।

दैलेखको भगवतीमाई ५ निवासी खड्काले शुक्रबार प्रेस विज्ञप्ति जारी गर्दै आफू एमालेमा सामेल भएको सार्वजनिक गरेका हुन् ।

उनी शुक्रबार नै एमाले प्रवेश गरेका छन् । उनी एमाले विभाजित हुँदा एकीकृत समाजवादीमा लागेका थिए । एकीकृत समाजवादीमा जिल्ला सचिवको जिम्मेवारीमा रहेका उनी यसअघि एमाले जिल्ला सदस्य रहिसकेका थिए ।

त्यस्तै २०५४ सालको स्थानीय निकायको निर्वाचनमा कटी गाउँ विकास समितिमा एमालेको तर्फबाट उपाध्यक्ष निर्वाचित भएका थिए ।

‘मैले आफूलाई कम्युनिष्ट आन्दोलनको रक्षा, पार्टी एकताको सुदृढीकरण र जनताको पक्षमा आफूलाई समर्पित गर्न नेकपा एमादेमा सामेल भएको हुँ’, उनले विज्ञप्तिमा भनेका छन् ।