कांग्रेसको पक्षमा उत्कृष्ट चुनावी भिडिओ बनाउनेलाई पौने ३ लाख पुरस्कार

काठमाडौं । नेपाली कांग्रेसले पार्टीको पक्षमा उत्कृष्ट चुनावी गीतको भिडिओ बनाउनेलाई २ लाख ७५ हजार रुपैयाँ पुरस्कार दिने भएको छ ।

कांग्रेसको स्थानीय निर्वाचन केन्द्रीय प्रचारप्रसार समिति अन्तर्गतको सांस्कृति समन्वय उपसमितिले कांग्रेसको पक्षमा उत्कृष्ट श्रव्यदृश्य निर्माण गर्नेलाई पुरस्कृत गर्ने निर्णय गरेको हो ।

उपसमितिका संयोजक डी.बी.गुरुङद्वारा जारी विज्ञप्तिमा कांग्रेसको चुनावी प्रचारका लागि निर्माण गरिएका गीतहरूमध्ये दर्शक, श्रोता र छनोट समितिको निर्णयका आधारमा उत्कृष्ट ठहरिनेलाई नगद पुरस्कार दिइने उल्लेख छ ।

यसअघि नेकपा एमालेले पनि चुनावी प्रचारका लागि टिकटक प्रतियोगिता घोषणा गरेको थियो ।