तालमेलको खाका बनाउन चितवनमा गठबन्धनको नयाँ कार्यदल बनाइयो

भरतपुर । आसन्न स्थानीय तहको निर्वाचनमा हुने तालमेलको खाका तय गर्न चितवनमा सत्ता गठबन्धनले नयाँ संयन्त्र गठन गरेको छ ।

नेपाली कांग्रेस चितवनको कार्यालयमा बसेको गठबन्धन दलहरूको जिल्लास्तरीय बैठकले १० सदस्यीय कार्यदल बनाएको हो ।

बैठकले शनिबार १२ बजेसम्म सबै दलले तालमेलका लागि आ-आफ्नो खाका बनाएर बैठकमा प्रस्तुत गर्ने निर्णयसमेत गरेको छ ।

बैठकमा नेपाली काङ्ग्रेस चितवनका सभापति राजेश्वर खनाल, नेकपा माओवादी केन्द्र चितवनका सयोजक रामचन्द्र अधिकारी, नेकपा एकीकृत समाजवादीका जिल्ला इन्चार्ज कृष्णप्रसाद खनाल, जनता समाजवादी पार्टीका जिल्ला अध्यक्ष प्रेम भुजेल र राष्ट्रिय जनमोर्चाका जिल्ला अध्यक्ष डम्बर पुरीको उपस्थिति रहेको थियो ।