महानगर र उपमहानगरको भागबण्डाका लागि बालुवाटारमा गठबन्धन कार्यदलको बैठक
नेपाल प्रेस
२०७९ वैशाख ४ गते १४:५०
फाइल तस्बिर ।
काठमाडौं । महानगरपालिका तथा उपमहानगरपालिकाको भागबण्डाका विषयमा छलफल गर्न सत्ता गठबन्धनको ‘निर्वाचन तयारी तथा अनुगमन समिति’को बैठक बालुवाटारमा जारी छ ।
नेपाली कांग्रेसका वरिष्ठ नेता रामचन्द्र पौडेल नेतृत्वको यो समितिको बैठकले ६ वटा महानगरपालिका र ११ उपमहानगरपालिकाको सिट भागबण्डाबारे छलफल गर्नेछ । यसअघि आज बिहान बसेको शीर्ष नेताहरूको बैठकले भागबण्डाबारे छलफल गर्ने अधिकार यो समितिको कार्यदललाई दिएको थियो ।
यही कार्यदलले छलफल गरेर भागबण्डाबारे प्रतिवेदन शीर्ष नेतालाई बुझाएपछि अन्तिम निर्णय हुनेछ । भोलिसम्ममा सिट बाँडफाँटसहित तालमेलको टुंगो लाग्ने एक नेताले बताए ।
यही समितिले देशभरबाट आएका प्रतिवेदनको पनि अध्ययन गरेर निर्णय लिनेछ ।
नेपाल प्रेस
प्रकाशित: २०७९ वैशाख ४ गते १४:५०
प्रतिक्रिया
सम्बन्धित खवर
