अछाम र धादिङका दुई स्थानीय तहमा निर्वाचन अधिकृत फेरिए

काठमाडौं । वैशाख ३० को स्थानीय चुनावका लागि खटाइएकामध्ये अछाम र धादिङका मुख्य निर्वाचन अधिकृत र निर्वाचन अधिकृत फेरिएका छन् ।

निर्वाचन आयोगले सोमबार निर्णय गर्दै अछामको मंगलसेन नगरपालिकामा अछाम जिल्ला अदालतका न्यायाधीश नवीनकुमार जोशीको ठाउँमा सुर्खेत जिल्ला अदालतका न्यायाधीश मनोज शर्मालाई पठाएको छ ।

त्यस्तै धादिङको नेत्रावती डबजोङ गाउँपालिकामा हेरफेर गर्दै विशेष सरकारी वकिल कार्यालय काठमाडौंका श्रीकला पौडेललाई पठाइएको छ । यसअघि त्यहाँ वैदेशिक रोजगार न्यायाधीकरणका आनन्दराज पन्त खटिएका थिए ।