पाल्पाको बगनासकालीमा एमालेले टंग्यायो अध्यक्ष र उपाध्यक्षका उम्मेदवार

रुपन्देही । नेकपा एमालेले पाल्पाको बगनासकाली गाउँपालिकाका लागि उम्मेदवार टुंगो लगाएको छ ।

स्थानीय निर्वाचनका लागि गाउँपालिका अध्यक्षमा सरस्वती चिदी दर्लामी र उपाध्यक्षमा हरिप्रसाद पाठकलाई उठाउने निर्णय गरेको एमाले प्रदेश कमिटी सदस्य एवम् बगनाकाली इन्चार्ज देवीप्रसाद बस्यालले बताए ।

अध्यक्षका उम्मेदवार चिदी हाल बगनासकाली गाउँपालिकाको उपाध्यक्ष हुन् । चिदीले उपाध्यक्षको रूपमा कुशलतापूर्वक काम गरेकोले पनि अध्यक्षको रूपमा अगाडि बढाइएको पार्टीले जनाएको छ ।

उपाध्यक्षका उम्मेदवार पाठक नेकपा एमाले बगनासकाली गाउँ कमिटीको अध्यक्ष रहेका छन् । उनले यसअघि तत्कालीन खानी गाउँ गाविसको उपाध्यक्षको रूपमा काम गरेका थिए ।

एमालेले बगनासकाली गाउँपालिकाका लगभग सबै वडाहरूमा नेतृत्व चयनको प्रक्रिया टुंगिएको जनाएको छ ।

यसअघि वडा नं. २ मा तीर्थ भट्टराई अध्यक्ष रहने गरी, वडा नं. ३ मा टिका बहादुर थापा अध्यक्ष रहने गरी, वडा नं. ६ यम्घामा जयराम बस्याल अध्यक्ष रहने गरी, वडा नं. ७ खानीगाउँमा गण बहादुर बुढाथोकी अध्यक्ष रहनेरि उम्मेदवारहरु चयन गरी सार्वजनिक समेत गरिसकेको छ । अन्य वडाहरूको काम पनि भइरहेको एमालेले जनाएको छ ।

पाल्पामा गठबन्धन दलले उम्मेदवारी घोषणा गर्न सकेका छैनन् ।