यसरी भयो केकी र रोहितको विवाह

काठमाडौं । नायिका केकी अधिकारी व्यवसायी रोहित तिवारीसँग विवाह वन्धनमा बाँधिएकी छन् । उनीहरुले आज एउटा सानो समारोहमा परम्परागत तवरले लगनगाँठो कसेका हुन् ।

विवाहपश्चात केकीले सामाजिक सञ्जालमा स्टाटस लेख्दै विवाहको शुभ समाचार बाँड्न पाएको आफू हर्षित रहेको बताएकी छन् । जीवनको नयाँ अध्याय सुरु गर्दै गर्दा आफूहरुले सबैको आशिर्वादको अपेक्षा राखेको उनीहरुले बताएका छन् ।

‘यहाँहरुको माया, साथ र सद्भाव हामीप्रति सदैव कायम रहने कुरामा हामी विश्वस्त छौं,’ उनले भनेकी छन् ।

करिब एक वर्षको प्रेम सम्वन्धपछि केकी र रोहितले दाम्पत्य जीवन सुरु गरेका हुन् ।