४ महानगरपालिकामा राप्रपामा उम्मेदवार टुंगिए, वीरगन्जमा पत्रकार गिरिश गिरी

काठमाडौं । राष्ट्रिय प्रजातन्त्र पार्टीले ६ वटा महानगरपालिकामध्ये चारवटाको मेयर उम्मेदवार टुंगो लगाएको छ । राप्रपाले काठमाडौं महानगरको मेयरमा वरिष्ठ कलाकार मदनदाश श्रेष्ठलाई उम्मेदवार बनाउँदा वीरगन्जमा पत्रकार गिरिश गिरीलाई उम्मेदवार बनाएको छ ।

त्यस्तै ललितपुरमा अष्ट महर्जन, पोखरामा शंकर खराल मेयर पदको उमेदवार तय भएको प्रवक्ता मोहन श्रेष्ठले जानकारी दिए । उपमेयरमा विनिता मगैया काठमाडौं, स्वर्णिमा शाक्य ललितपुर, बिना जयसवाल वीरगन्ज, रञ्जना सेन पोखरा तय भएका छन् ।

बिरगन्जको मेयरका उम्मेदवार बनेका पत्रकार गिरीका बुबा बरिष्ठ पत्रकार गोपाल गिरी तत्कालीन बिरगन्ज उपमहानगरपालिकाको मेयर थिए । मागजेति चन्दा नदिएको आरोपमा माओवादीले उनको हत्या गरेका थिए ।

बाँकी २ महानगर भरतपुर र बिराटनगरका उम्मेदवारको टुंगो आजै अबेरसम्म लाग्नेछ ।