डोटीका नौ स्थानीय तहमा एमालेले टुंग्यायो उम्मेदवार
नेपाल प्रेस
२०७९ वैशाख १० गते २०:२२
डोटी । नेकपा एमालेले डोटीका नौ स्थानीय तहमा उम्मेदवारको टुंगो लगाएको छ ।
यसअघि पाँच वटा पालिकामा टुंगो लगाएको एमालेले शनिवार थप चारमा पनि निर्णय गरेको हो ।
यसअघि नै जोरायलमा दुर्गा ओझा, सायलमा तेजबहादुर डुम्रेल, बोगटान फुड्सिलमा हस्त बहादुर बुढा, केआइसिंहमा तेज बहादुर माझी र आदर्श गाउँपालिकामा डम्बर ओलीको नाम टुंगो लागिसकेको थियो । ओली गाउँमा नै मतदानबाट उम्मेदवार चुनिएका थिए ।
बाँकी रहेको चार पालिकामा प्रदेश समितिले आज टुंगो लगाएको हो । प्रदेश समितिले बडीकेदार गाउँपालिकामा चक्रबहादुर घर्तीमगर, शिखर नगरपालिकामा भीमबहादुर बलायर, दिपायल सिलगढी नगरपालिकामा लक्ष्मण मलासी र पूर्विचौकीमा कृष्णबहादुर खड्कालाई उम्मेदवार बनाएको स्रोतले बतायो ।
अहिलेसम्म आधिकारिक घोषणा भने भएको छैन ।
नेपाल प्रेस
प्रकाशित: २०७९ वैशाख १० गते २०:२२
प्रतिक्रिया
सम्बन्धित खवर
