कैलालीमा एमालेले टुंग्यायो ११ पालिका प्रमुख र उपप्रमुखका उम्मेदवार

कैलाली । कैलाली ११ पालिकामा नेकपा एमालेले प्रमुख तथा उपप्रमुखमा आफ्नो उम्मेदवारहरू टुङ्गो लगाएको छ ।

धनगढी उपमहानगरपालिकामा हिजो नै स्थानीय कमिटी बैठकले मेयरमा रणबहादुर चन्द र उपमेयरमा कन्दकला रानालाई उम्मेदवार बनाउने निर्णय गरिसकेको छ ।

त्यस बाहेकका १२ स्थानीय तहमा प्रदेश कमिटीले उम्मेदवारको टुङ्गो लगाएको हो । टिकापुरमा श्याम खत्री र अनुपा केसी उम्मेदवार बन्ने भएका छन् ।

लम्की चुहामा महादेव बजगाईँ, जुना चौधरी उम्मेदवार बन्ने भएका छन् । घोडाघोडीमा ममता प्रसाद चौधरी करुणा बम उम्मेदवार बन्ने भएका छन् । गौरीगङ्गामा पदम सिंगाल शान्ति सिंह उम्मेदवार बन्ने भएका छन् ।

त्यस्तै गोदावरी नगरपालिकामा गोकर्ण भट्ट र शारदा रोकाया उम्मेदवार बन्ने भएका छन् ।

त्यस्तै भजनी नगरपालिकामा हर्क बुढा र तुलसी चौधरी, जोशीपुर गाउँपालिकामा केशर बहादुर डगौरा र रमा देशी भुल, कैलारी गाउँपालिकामा झुमा चौधरी र जालुराम चौधरी, बर्दगोरी गाउँपालिकामा कर्ण कुवर र इन्दु चौधरी उम्मेदवार बन्ने भएका छन् ।