कृषिमा कांग्रेसको संकल्प- किसान क्रेडिट कार्डदेखि कृषि उद्यमशिलता प्रवर्द्धन

काठमाडौं । नेपाली कांग्रेसले कृषि आयातलाई न्यूनीकरण गर्ने उद्घोष गरेको छ । स्थानीय निर्वाचनका लागि कांग्रेसले प्रस्तुत गरेको संकल्पमा कृषि उद्यम तथा उद्योगको विकास, आयात प्रतिस्थापन तथा निर्यात प्रबर्द्धन र किसानको आम्दानी वृद्धिको लक्ष्य हासिल गर्न अग्रसर हुने उल्लेख छ ।

कांग्रेसले साना किसानलाई १० हजार रूपैयाँ बराबरको किसान क्रेडिट कार्ड दिनेदेखि कृषि उद्यम सेवा केन्द्र स्थापना सम्मको योजना संकल्पमा समेटेको छ । कृषिका सन्दर्भमा कांग्रेसले गरेका संकल्पहरु यसप्रकार छन्-

१. साना किसानलाई १० हजार रूपैयाँ बराबरको किसान क्रेडिट कार्ड

२. कृषि बीमामा साना किसानलाई ९० प्रतिशत र मझौला तथा ठूला किसानलाई ७५ प्रतिशत अनुदान

३. बजारीकरणका लागि कृषि एम्बुलेन्सको व्यवस्था

४. अति विपन्न घरपरिवारलाई परिचयपत्रका आधारमा रासन दिने व्यवस्था

५. किसानको खेतबारीमै प्राविधिक सेवा र टेवा

६. स्थानीय समस्यामा आधारित कृषि अनुसन्धान तथा प्रसार

७. कृषिमा डिजिटल प्रविधिको प्रसार

८. अन्तर्राष्ट्रिय बजार पहिचान तथा प्रवर्द्धनमा नीजि क्षेत्रसँगको साझेदारीमा सामूहिक प्रयास ।

९. दुई वा दुईभन्दा बढी स्थानीय तहहरुले आपसी साझेदारीमा कृषि बजारको स्थापना गर्ने ।

१०. कृषि उद्यमशीलता विकासमा नव प्रवर्तकहरूलाई प्रोत्साहन