विराटनगरको मेयर-उपमेयरमा नागेश र अमरेन्द्रले गरे मनोनयन

विराटनगर । पाँच दलीय गठबन्धनबाट विराटनगरको मेयर र उपमेयरमा नागेश कोइराला र अमरेन्द्र यादवले मनोनयन दर्ता गराएका छन् ।

मुख्य निर्वाचन अधिकृतको कार्यालय पुगेर उनीहरूले उम्मेदवारी दिएका हुन् । कोइराला कांग्रेस महानगर सभापति हुन् ।

उपपेयरमा उम्मेदवारी दिएका यादव जसपा महानगर कमिटीका अध्यक्ष साथै पार्टी अध्यक्ष उपेन्द्र यादवका छोरा हुन् ।

मेयरमा मनोनयन दर्तापछि कोइरालाले विराटनगरबासीले चाहेजस्तो महानगर बनाउने प्रतिबद्वता जनाएका छन् । उनले संक्षिप्त प्रतिक्रिया दिँदै भने, ‘विराटनगरको आन्तरिक स्रोत बढाउन करको दायरा बढाउने तर दर भने घटाउँछु ।’

टिकटको विषयमा पार्टीमा असन्तुष्ट चुलिएकोबारे पत्रकारको जिज्ञासामा कोइरालाले जसले पाए पनि कांग्रेसले टिकट पाएको र आफूले नै जित्ने दाबी गरे ।