भोजपुरमा बागी उठेका तीनजनालाई माओवादीले गर्यो निष्कासन
नेपाल प्रेस
२०७९ वैशाख १३ गते १६:४८
भोजपुर । नेकपा माओवादी केन्द्र भोजपुरले बागी उम्मेदवारलाई कारबाही गरेको छ ।
गठबन्धन तथा पार्टी निर्णय र निर्देशनविपरीत अनुशासन उल्लंघन गरेर स्वतन्त्र उम्मेदवारी दर्ता गरेको भन्दै माओवादीले तीनजनालाई कारबाही गरेको हो ।
भोजपुर नगरपालिका-११ मा उम्मेदवारी दिएका मोहनसेन राई, षडानन्द नगरपालिका-९ का शेखर तामाङ र १३ का ओमकुमार श्रेष्ठलाई माओवादीले कारबाही गरेको हो ।
गठबन्धनमा भएको सहमतिविपरीत मनोनयन दर्ता गराएकोले उनीहरूलाई साधारण सदस्यसमेत नरहने गरी निष्कासन गरेको नेकपा माओवादी केन्द्र भोजपुरका संयोजक नगेन्द्र भुजेल ‘शैलेन्द्र’ ले विज्ञप्ति निकालेर जनाएका छन् ।
नेपाल प्रेस
प्रकाशित: २०७९ वैशाख १३ गते १६:४८
प्रतिक्रिया
सम्बन्धित खवर
