मुसिकोटका प्रमुख तथा उपप्रमुखका उम्मेदवार विरुद्ध पर्यो उजुरी
नेपाल प्रेस
२०७९ वैशाख १४ गते १५:३६
सुर्खेत । रुकुम पश्चिमको मुसिकोट नगरपालिकामा मेयर उपमेयरका उम्मेदवारविरुद्ध मुख्य निर्वाचन अधिकृतको कार्यालयमा उजुरी परेको छ ।
नेकपा माओवादी केन्द्रबाट मेयरका उम्मेदवार बनेका वसन्त कुमार शर्मा र नेकपा एकीकृत समाजवादीबाट उपमेयरका उम्मेदवार बनेका विमल कुमार पुनका विरुद्ध कांग्रेस नेता महेन्द्र केसीले उजुरी दिएका हुन् ।
यी दुवै उम्मेदवारको नाम समानुपातिक बन्द सूचीमा रहेको भन्दै उजुरी परेको हो ।
यस्तै एक जना दलित महिला सदस्यविरुद्ध दुर्गा कुमारी कामीले ललिता शेर्पाली विरुद्ध उजुरी दर्ता गरेकी हुन ।
उजुरीमा मुसिकोट नगरपालिका वडा नं. १४ को स्वास्थ्य चौकीको महिला स्वास्थ्य स्वयंसेविका पदमा कार्यरत रहेको भन्दै उजुरी दर्ता भएको हो ।
नेपाल प्रेस
प्रकाशित: २०७९ वैशाख १४ गते १५:३६
प्रतिक्रिया
सम्बन्धित खवर
