स्थानीय चुनाव
विराटनगरको उपमेयरमा माओवादीकी नमिता न्यौपानेको बागी उम्मेदवारी कायमै
नेपाल प्रेस
२०७९ वैशाख १६ गते १७:४१
विराटनगर । विराटनगर महानगरपालिकाको उपमेयरमा स्वतन्त्र उम्मेदवारी दिएकी माओवादी नेकपा माओवादी केन्द्रकी नमिता न्यौपानेले आफ्नो उम्मेदवारी कायमै राखेकी छिन् ।
उम्मेदवारी फिर्ता लिन आयोगको आज ५ बजेसम्मको समय सीमामा उनले मनोनयन फिर्ता लिइनन् । माओवादी केन्द्र विराटनगरकी सचिव समेत रहेकी न्यौपानेले आफूले पदबाट राजीनामा दिएकाले उम्मेदवारी फिर्ता नलिने बताइन् ।
यता महानगरको मेयर पदमा स्वतन्त्र उम्मेदवार दिएकी शारदा मैनालीले भने मनोनयन फिर्ता लिएकी छिन् ।
मैनाली माओवादी केन्द्र विराटनगर सहसचिवसमेत हुन् । गठबन्धनतर्फबाट विराटनगरको मेयर कांग्रेस र उपमेयर जसपालाई भागबन्डा गरिएको छ । यहाँ गठबन्धनबाट मेयरमा नागेश कोइराला र उपमेयरमा अमरेन्द्र यादव उम्मेदवार बनेका छन् ।
नेपाल प्रेस
प्रकाशित: २०७९ वैशाख १६ गते १७:४१
प्रतिक्रिया
सम्बन्धित खवर
