गोरखाको पालुङटारमा कांग्रेस र जसपाबीच तालमेल, कँडेलले फिर्ता लिए मनोनयन

काठमाडाै‌ं। गोरखाको पालुङटार नगरपालिकाको मेयरमा उम्मेदवारी दिएका कांग्रेसका दिपकबाबु कँडेलले मनोनयन फिर्ता लिएका छन् ।

आइतबार विज्ञप्ती जारी गर्दै उनले स्थानीय तहको निर्वाचनमा चुनावी तालमेल गर्ने पार्टी केन्द्रीय कार्यसमितिको निर्णयप्रति पूर्णरुपमा इमान्दार रहेको भन्दै मनोनयन फिर्ता लिएको जानकारी दिएका हुन् ।

जारी विज्ञप्तीमा भनिएको छ,सरकारमा सहभागी पाँच दलका विचमा भएको सहमती र निर्णय अनुसार गठवन्धनमा रहेका दलहरुका बीचमा स्थानीय तहमा चुनावी तालमेल र सिटको बाँडफाँड गर्ने निर्णय भए अनुसार, नेपाली कांग्रेस पार्टीले पालुङटार नगरपालिकाको प्रमुख पदमा मलाई उम्मेदवार बनाएको भएतापनि पछिल्लो समय नेपाली काँग्रेस केन्द्रले गरेको निर्णयलाइ स्वीकार गरी सम्पूर्ण नगरवासी दाजुभाइ दिदिबहिनीहरु समक्ष पार्टीको निर्णय कार्यान्वयन गर्न हार्दिक अनुरोध गर्दछु।

पालुङटारमा जसपालाई सहयोग गर्ने पाँँच दलीय गठबन्धनको निर्णय भएकाले  गठबन्धनलाई सहयोग गर्ने उनले बताए ।