नवनियुक्त आईजीपीद्वयले लगाए दर्ज्यानी चिह्न (भिडिओ)
नेपाल प्रेस
२०७९ वैशाख १९ गते ९:३६
काठमाडौं । नेपाल प्रहरी र सशस्त्र प्रहरीका नवनियुक्त आईजीपीद्वय धिरजप्रताप सिंह र राजु अर्यालले दज्र्यानी चिह्न लगाएका छन् । हिजो नियुक्त भएका नेपाल प्रहरीका आईजीपी सिंह र सशस्त्रका अर्यालले आज गृह मन्त्रालयका सचिव टेक नारायण पाण्डेबाट दर्ज्यानी चिह्न लगाएका हुन् ।
अर्याल र सिंहलाई आइतबारको मन्त्रिपरिषद बैठकले महानिरीक्षक पदमा बढुवा गर्ने निर्णय गरेको थियो ।
वरीयतामा अगाडि रहेका दुई एआईजीलाई मिच्दै सरकारले १६ महिना जुनियर सिंहलाई आईजीपीमा बढुवा गरेको हो ।
सिंह गत महिना मात्र एआईजीमा बढुवा भएका थिए । २०७७ मंसिरमा एआईजी भएका विश्वराज पोखरेल र २०७८ असारमा एआईजी भएका सहकुल थापाभन्दा धिरजप्रताप जुनियर हुन् ।
वर्तमान आईजीपी शैलेश थापा ३० वर्षे सेवा अवधिका कारण आइतबार रात १२ बजेदेखि अवकाश पाउँदैछन् । सिंह ११ महिना आईजीपी बन्ने छन् । ३० वर्षे सेवा अवधिका कारण उनको अवकाश आगामी चैतबाट हुनेछ ।
नेपाल प्रेस
प्रकाशित: २०७९ वैशाख १९ गते ९:३६
प्रतिक्रिया
सम्बन्धित खवर
