ओखलढुंगामा चट्याङ लागेर एक जनाको मृत्यु, एकजना घाइते
![](https://www.nepalpress.com/wp-content/uploads/2020/11/nepalpress-logo-n.png)
२०७९ वैशाख २२ गते १५:२८
![](https://www.nepalpress.com/wp-content/uploads/2022/04/rain-chatyang.jpg)
सांकेतिक तस्वीर
काठमाडौं । ओखलढुंगामा चट्याङ लागेर एक जनाको मृत्यु भएको छ । जिल्लाको लिखु गाउँपालिका ८ टारकेराबारीका देव बहादुर दर्जीको चट्याङ लागेर ज्यान गएको हो ।
बुधबार साँझ ६ बजे घरायसी कामका लागि बाहिर रहेका दर्जी चट्याङ लागेर गम्भीर घाइते भएका थिए ।
उनलाई तत्काल उद्धार गरी रामेछाप मन्थलीको तामाकोसी अस्पताल लगिएकोमा उपचारको क्रममा उनको राति १ बजे मृत्यु भएको जिल्ला प्रहरी कार्यालय ओखलढुंगाले जनाएको छ ।
घटनामा गम्भीर घाइते भएका अर्का स्थानीय मेघ बहादुर दर्जीको धुलिखेल अस्पतालमा उपचार भइरहेको प्रहरीले जनाएको छ ।
प्रतिक्रिया
सम्बन्धित खवर