पार्टीले कलाकारको हितमा काम गर्याे भने अरु कलाकार पनि कांग्रेस प्रवेश गर्छन् : भुवन केसी
काठमाडौं । नेपाली कांग्रेस प्रवेश गरेको दुई दिनपछि अभिनेता भुवन केसीले नेपाली कांग्रेसले कलाकारको हितमा लागि परेमा अरु कलाकारहरु पनि कांग्रेसमा प्रवेश गर्ने बताएका छन् ।
दरबारमार्ग स्थित क्युज सिनेमाजमा आयोजित कांग्रेसको चुनावी गीत रिलिज कार्यक्रममा अभिनेता केसीले यस्तो बताएका हुन् ।
उनले चलचित्र क्षेत्रमा दिएको ४० औं वर्षको योगदान नेपाली कलाकारीताको माध्यमबाट कलासंस्कृति विश्वभरि पुर्याइ कांग्रेसको साथमा हातमा हात मिलाइ अघि बढ्ने प्रतिवद्धता जनाएका छन् ।
कांग्रेसको नेपाली कांग्रेस केन्द्रीय प्रचारप्रसार समितिका प्रमुख तथा नेका प्रवक्ता प्रकाशशरण महतको उपस्थितिमा स्थानीय तह निर्वाचन सम्बन्धि गीत सार्वजनिक समारोह भएको थियो । उक्त कार्यक्रममा नीर शाह , भुवन केसी लगायतको उपस्थित थियो भने स्वेता खड्का आउने भनिएको थियो तर उनी उपस्थित भइनन् । उनी पनि अभिनेता केसीसँगै दुई दिन अघि कांग्रेस प्रवेश गरेकी थिइन् ।