एनभीए क्लब भलिबल लिगः एपीएफसँग हार्दै न्यू डायमन्ड उपाधि होडबाट बाहिरियो

काठमाडौं । साविक विजेता न्यू डायमन्ड स्पोर्टस क्लब एपीएफसँग पराजित हुँदै उपाधि होडबाट बाहिरिएको छ ।

राष्ट्रिय खेलकुद परिषद् (राखेप०को कभर्डहलमा शुक्रबार सम्पन्न महिला तर्फको खेलमा एपीएफले न्यू डायमन्डलाई २५–१९, २५–१०, २५–९को सोझो सेटमा पराजित गर्दै लगातार तेस्रो जित निकालेको हो ।

डायमन्डले कुनै पनि खेलमा जित निकाल्न असफल रहयो । एपीएफले ४ खेलमा तीन जित र एक हारको नतिजा निकाल्दै ९ अंक जोडेको छ ।

पाँच टिमको सहभागिता भएको प्रतियोगिततामा एपीएफसँगै नेपाल पुलिस क्लबको समान ९ अंक छ । पुलिसको एक खेल बाँकी छ यदी उक्त खेल जिते पुलिसले उपाधि उचाल्नेछ ।

अन्तिम खेलमा सनिबार पुलिसले विभागिय प्रतिद्वान्दी त्रिभुवन आर्मी क्लबसँग प्रतिस्पर्धा गर्नेछ । आर्मीको तीन खेलबाट ६ अंक छ ।